Bardh Dodë Rica, është lindur në Bushkash të rrethit Mat më 1.05.1955.

Është diplomuar në Universitetin Bujqësor të Tiranës në Fakultetin e Pyjeve në degën Inxhinier Pyjesh, në vitin 1980.

Ka punuar për disa vite si inxhinier pyjesh në Ndërmarrjen e Pyjeve dhe Kullotave në Burrel dhe Tiranë. Ka qënë drejtor i Ndërmarrjes Komunale në Laç të rrethit Kurbin. Me fillimin e lëvizjeve demokratike në Shqipëri në vitet ’90-91, është angazhuar gjerësisht në veprimtari politike e shtetërore, duke dhënë një kontribut të spikatur në shërbim të ndryshimeve demokratike, zhvillimit dhe konsolidimit të shpejtë të sistemit demokratik në Shqipëri.

Në vitet 1992–1996, ka kryer detyrën e Kryetarit të Këshillit të Rrethit Kurbin. Në vitin 1997 është zgjedhur kryetar i Degës së Partisë Demokratike rrethi Kurbin, detyrë të cilën e ka kryer për dy mandate radhazi, deri në Tetor të vitit 2000. Në zgjedhjet lokale të këtij viti është zgjedhur kryetar i Bashkisë Laç, si përfaqësues i Partisë Demokratike. Në janar të vitit 2004 e në vijim është në detyrën e Kryetarit të Këshillit të Qarkut Lezhë. (Ushtron mandatin e dytë në këtë funksion).

Është anëtar i Këshillit Kombëtar të Partisë Demokratike Shqiptare.