Plazhi i Shëngjinit
Është një prej plazheve më të përmendur të veriut të Shqipërisë, i njohur veçanërisht për kualitetin e rërës. Gjendet 8 km larg qytetit të Lezhës. Këtu ka 2-300 ditë me diell në vit. Në veri të plazhit të Shëngjinit në një largësi prej 2.5 km, rrëzë kodrave të Rencit, gjendet i mbrojtur nga erërat plazhi i mrekullueshëm i “Ranës së Hedhun”.

Ishull Lezha

Ndodhet në një zonë të rrethuar me ligatina dhe pyje. Zona është e njohur për restorantët e shumtë të peshkut. Mbi të gjitha bie në sy “Hoteli i Gjuetisë”  i ndërtuar me një stil të veçantë në dru nga Konti Ciano, në atë kohë Ministër i Jashtëm i Italisë.

Restoranti ka një dekorim të veçantë. Në të janë ekspozuar shumë shpend të balsamosur.

Ishull Lezha ka shërbyer si një pikë e rëndësishme për gjuetarët e ndryshëm.

Sistemi lagunor Kune-Vain

Përfaqëson një prej ekosistemeve më të rëndësishme në gjithë bregdetin shqiptar përsa i përket shumllojshmërisë së florës dhe faunës, sidomos prezencës së shpendëve ujorë.

Në grykëderdhjen e Drinit gjenden dy laguna . Ajo e Cekës me sipërfaqe prej 235 ha dhe e Merxhanit me 77 ha.

Në të djathtë të deltës së Drinit gjendet Ishulli ranor i Kunës me sipërfaqe 125 ha .

Është një prej suprizave më të këndshme të bregdetit . Aty rriten 227 lloje bimësh. Ku mbizotërojnë lianet, shelgjet dhe frashëri. E pasur është edhe fauna e cila përfaqësohet nga rosat e egra, fazanët, qukapikët, çapkat, rosa e madhe kryekuq etj.

Laguna e Patokut

E njohur dikur si “ Plazhi i Patokut” është një areal i pasur me florë dhe faunë . Kjo zonë vazhdon të pasurojë traditën e mirë të kuzhinës ku shërbehet peshk i freskët .

Në sistemim lagunor të Kune-Vainit gjenden 70 lloje shpendësh, 22 loje reptilësh nga 33 që ka Shqipëria, 6 lloje amfibësh nga 15 që ka Shqipëria si dhe 23 lloje gjitarësh.
 
 
Editimi i fundit: E  Marte, 03 Shtator 2009