Karakteristika të përgjithshme

Popullsia në qarkun e Lezhës është mjaft e shpërndarë nëtë gjithë territorin e tij. Kjo popullsi shtrihet në një zonë prej 1619 km2, e ndarë në tre rrethe: Kurbin, Lezhë dhe Mirditë, që përfshijnë 5 bashki dhe 16 komuna. Gjithashtu, qarku ka vlera të shumta natyrore, që paraqesin një kombinim të maleve, fushave, dhe bregdetit. Për periudhën 1989-2002, popullsia e qarkut të Lezhës ka patur rritjen më të madhe në të gjithë vendin (28,1%) dhe ka arritur në 46.279 banorë.

Popullsia në zonat rurale zë afro 60.6%. Sidoqoftë, gjatë viteve ’90, ka patur një rritje të lëvzjeve migruese në drejtim të zonave urbane. Një tjeter tregues i tendencave të migracionit është fakti që popullsia Mirditë është në rënie (16,9%), në Kurbin dhe veçanërisht në Lezhë, ajo është në rritje në mënyrë konstante. Lezha është pjesa me popullsinë më të madhe të qarkut, 44% e numrit të përgjithshëm të popullsisë. Dendësia më e madhe është në Kurbin, 57,6%. Zonat rurale të qarkut janë më pak të populluara, sidomos krahasuar me Fierin (67%), Elabasanin (65% dhe Shkodrën (62,3%). Qarku i Lezhës është ndërmjet qarqeve me vlerë mesatare të Indeksit të Zhvillimit Njerëzor (HDI): Lezha dhe Kurbini me HDI 0,798 dhe Mirdita me një vlerë më të vogël 0,632.

Informacioni i mbledhur nga njësitë e qeverisjes vendore në qarkun e Lezhës tregon se 12,5% e popullsisë ka emigruar (26.342 banorë), me një shpërndarje të ndryshme ndërmjet zonave: nga 5,4% në komunën e Fanit, Mirditë në 22,9% në komunën e Shëngjinit. Komunat me vlerat më të ulëta të emigarcionit janë Selita me 5,7%, Kaçinari me 5,8%, Ungrej me 6,2%. Në të gjithë qarkun, vlera më ulët e migarcionit është regjistruar në Mirditë. Një shpjegim i mundshëm i kësaj mund të jetë kultura tradicionale dhe konservatore e zonës, për shkak të së cilës banorët e saj tentojnë më shumë drejt migracionit të brendshëm, sesa ndaj atij jashtë vendit. Vlerat më të larta të emigracionit janë regjistruar në komunat e Shëngjinit, Balldrenit, Fushë Kuqes, Kallmetit dhe Blinishtit. Kjo lidhet me kushtet e favorshme të vendndodhjes gjeografike të zonës, krahasuar me pjesët e tjera të qarkut, por dhe me konceptet e përpëraura dhe qëndrimet për t’iu përshtatur sfidave të jetës. Niveli i papunësisë, 28% në shkallë qarku, është afro 2 herë më shumë se niveli i papunësisë në shakllë kombëtare, që është një tregues i nivelit të lartë të varfërisë në qark. Kurbini, në veçanti, ka shkallën më të lartë të papunësisë, tre herë më të lartë se mesatarja kombëtare. Femrat zenë 39,1% të të punësuarve. Pjesa tjetër e femrave merret me kujdesjen për shtëpinë dhe fëmijët dhe të moshuarit, duke hequr dorë nga konkurimi në tregun e punës



Kliko ketu per dokumentin e plote (2.77 MB)

Strategjia e Zhvillimit te Qarkut Lezhe