Është  organizuar takimi me Komisionin Rajonal të Rregjistrimit të Njësive  Ekonomike dhe qeveritarët vendor të Qarkut Lezhë.

I pranishëm në këtë takim zv.ministri brendshëm Z. Ferdinand Poni.

Në fjalën e hapjes Kryetari i Komisionit  të Rregjistrimit të Njësive Ekonomike,kreu i Këshillit të Qarkut të Lezhës z.Pashk Gjoni ,theksoi se: Ky projekt ,inisiativë e qeverisë shqiptare,do të sigurojë një informacion të plotë që do të ndikojë pozitivisht në analizën e hollësishme të situatës aktuale si dhe  në hartimin e politikave zhvillimore në këtë sektor të rëndësishëm të ekonomisë.

Zoti Gjoni i njohu të pranishmit edhe me Komisionin Rajonal të Rregjistrimit, ku përveç kreut të Këshillit të Qarkut, do të jenë dhe  Prefekti, përgjegjësia e INSTAT Lezhë, Drejtori i Bujqësisië dhe Drejtori i Policisë së Qarkut.

Në cilësinë e Krytarit të Komisionit  ai  i siguroi vendorët se do të bashkëpunojë ngusht me ta për përmbushjen e këtij misioni të përbashkët.

Zv ministri Poni,  duke e cilësuar si projekt shumë të rëndësishëm që përfshin gjithë territorin e  Shqipërisë theksoi se: “Produkti i këtij procesi do të jetë mjaft pozitiv jo vetëm në njohjen e situatës, por dhe në politikëbërje.

Ai kërkoi nga vendorët  që  të bëjnë të qartë dobinë e këtij procesi në rrjedhën e integrimit në BE.

Për një punë me cilësi e në kohë pas ngritjes së komisioneve lokale të angazhojmë anketuesit që plotësojnë kriteret e duhura.

Në shkallë republike do të punësohen 3500 anketues, ndërsa për Qarkun e Lezhës 195 anketues ,40 kontrollorë dhe 4 supervizorë.

I rëndësishëm u konsiderua trajnimi i tyre dhe se anketuesit duhet ta njohin mirë terrenin ku do të anketojnë”

Gjatë takimit u bënë pyetje, të cilave ju përgjigjën specialistët e INSTATIT, të cilët i pajisën të pranishmit me paketën e udhëzimve për procesin.

Vendorët e mbështetën këtë projekt si shume të rëndësishëm edhe për vetë komunitetin dhe morën përsipër realizimin e tij me sukses.